Binalewala sana kan makuapo kan pigkonsiderar na Mother of Democracy an pangapodan kan pirang mga supportersbni dating Presidente Rodrigo Duterte na panibagong People Power Revolution, kasunod kan pagkaka-arestar asin dagusang pagbiyahe kan dating Presidente pasiring the Hague, Netherlands an headquarters kan International Criminal Court.
Sigun ki Kiko Aquino Dee, nag-apelar sinda ngunyan nin people power mantang binalewala ini kan termino ni Duterte.
Kasabat kaini, pige-enkaminar ni Aquino Dee an presenteng administrasyon na bistuhin na an hurisdiksiyon kan ICC kontra ki Duterte asin dagusan ng ibweltada an nasyon sa tribunal.
Ini an makalihis magkalas an nasyon gikan sa international body, anom na taon na an nakalilihis, asin mantang nasa katahawan kan nakalihis na administrasyon ni Duterte.
Sigun man ki dating Presidential Peace adviser, Teresita Quintos Deles, dae dapat lingawan kan publiko an mga nangyaring garadanan na ginibo kan nakalihis na administrasyon an drug war.
Pigtawan-duon pa ni Geles, dae dapat paglingawan an nagin sitwasyon kan mga biktima, asin kun pano sinda pigtrato mantang nasa kasagsagan kan kampanya kontra iligal na droga.
