Kinuwestiyon ni Senator Francis “Kiko” Pangilinan an pagtinir sa puwesto ni Department of Public Works and Highways (DPWH) Secretary Manuel Bonoan sa tahaw kan isyu kan soboot trilyong pisong kantidad kan flood control ghost projects.
Hurot ni Pngilinan, trilyong piso an kantidad kan flood control ghost projects alagad garo dae natitinag an sekretaryo asin dae pa man nagre-resign.
Dae man piggilid kan senador na posibleng kasabwat ni Bonoan sa katiwalian sa maanomalyang flood control projects.
Kaya nangapodan si Pangilinan sa pagkakaigwa nin independent commission na ma-imbestigar sa mga maanomalyang proyekto.
Pigtawan-duon kan senador an importansiya kan transparency, accountability, asin tamang paggamit kan pondo kan bayan tanganing maprotehiran an mga pinakaapektadong komunidad kontra sa pagbaha.
Pigsuhestiyon man kan senador na pamayuhan kan komisyon an mga personalidad na igwang kredibilidad siring ninda dating Ombudsman Conchita Carpio-Morales, dating DPWH Secretary Rogelio Singson, asin Baguio City Mayor Benjie Magalong.
Mientrastanto, suportado man kaini an kasuguan ni Presidente Ferdinand Marcos Jr. na lifestyle check kan gabos kan opisal kan gobyerno, orog na sa tahaw kan kontrobersiya sa flood control projects.
