Pigsunad pa sa Senado an sarong prosopwestong ley na obhetong halion an mga pigbabayadang travel tax para sa mga turistang Pilipino na maluwas nin nasyon.
Oras na maisaley an Senate Bill 1843 na pigsunad ni Senator Kiko Pangilinan, hahalion an travel tax na naipautob sa irarom kan naamyendahang Presidential Decree No. 1183 asin sa Republic Act No. 9593 o an Tourism Act of 2009.
Tinukoy kan senador na sa pagpapababa kan gastuson kan mga kababayang nagbabiyae sa luwas kan nasyon, piglalaomang maangat an numero kan mga pasahero asin malangkaw man an paggastos sa transportasyon, accommodation, pagkakan asin serbisyo asin madara nin pagsigla sa ekonomiya.
Nagtutubod si Pangilinan na an paglangkaw sa travel activity an mapakusog sa people-to-people exchanges asin suporta sa posisyon kan Pilipinas komo sarong competitive asin accessible na destinasyon.
Sa presente, nagbabayad nin P2,700 na travel tax an mga first class na pasahero asin P1,620 man para sa economy class, na nagpapaluya sa abilidad kan mga Pilipino na makapaglakbay.
