Magkakaigwa nin panibagong tapyas presyo sa mga produktong petrolyo sa masunod na semana.
Basado sa pagkarkulo kan Department of Energy (DOE) na pwedeng magkawat gikan sa P0.10 hasta P0.40 an tapyas sa kada litro kan gasolina.
Mantang igwang puon P0.20 hasta P0.60 kada litro kan diesel asin an kerosene an igwang puon P0.30 hasta P0.60 sa kada litro kan tapyas.
Sinaysay ni Assistant Director Rodela Romero kan Oil Industry Management Bureau na an rason kan tapyas presyo huli sa pagluya kan demand kan petrolyo sa pangkinaban merkado.
Sa aldaw pa kan Lunes maaraman kun manggurano an magigin totoong tapyas presyo na kadalasang pigpapautob tuyong aldaw kan Martes.
