Aram baya nindo mga ka-Bombo, kakaiba an napiling pet kan sarong pamilya sa Clarin, Misamis Occidental huli ta bako ining sarong ido o ikos, kundi sarong dakulang paniki na garu natutukduan man nin mga tricks.
Sa video, madadalan si Carmel Doldolia asin an ataman kaining paniki na si “Kerew,” na puwede soboot apudon tangani maglupad asin magrani.
Pigheras ni Doldolia kun pano napadpad sa saindang harong si Kerew. Nahulog ini sa may bubungan ninda asin pinurot man kan saiyang agom.
Digde man nadiksbure na igwa palan ining aki. Kaya nagdesisyon sinda na atamanon na sana huli sa pakasadit kaini. Sa presente, parehas na an dakula kaini sa ataman na ikos, kasinglaba na kan tuwalya an pakpak ni Kerew.
May laba na ining anom na metro, asin tatao na maglupad. Mientrastanto, an mga paniki sana an sulamenteng mammal na kayang maglupad.
Sarong klase nin fruit bat si Kerew na prutas an paboritong kakanon. Madalas man ining magdukot sa lawas kan kada miyembro kan pamilya kan nag ataman. Mayo pa man nin insidente na nagkahelang an saindang pamilya huli ki Kerew.
Alagad sigun sa beterinaryo, bakong domesticated na hayop an mga paniki. Ini an mga wild animals na kun saen dae dapat na atamanon.
Kaya man soboot garu nagin maamo an paniki sa pamilya kan nag ataman huli ta igwa nin pagkakan na nakukua.
Paglilinaw pa kan pamilya, mayo sindang balak na ipatinir si Kerew sa saindang harong habambuhay.
