NAGA CITY – Nagpapadagos ngunian an imbestigasyon kan mga otoridad makalihis laogon nin parahabon an mismong Public Attorney’s Office (PAO) sa syudad nin Naga.
Sa entrevista kan Bombo Radyo Naga ki Atty. Freddie Nasyonal, sinaysay kaini na kan nakalihis na aldaw sana kan masira kan saindang janitress na bukas na an pintuan kan saindang opisina.
Saka na soboot narisa ni Atty. Nasyonal na nakaangat na an sarong parte kan iron grills kan bintana mantang may nahiling pang sarong kutsilyo asin gunting na posibleng ginamit kan suspek.
Pigtutubudan man na aki an naglaog sa opisina huli ta mayo man nin nawarang importanteng gamit apwera na sana sa nagkapirang ream nin bond paper, coin purse asin an mga snacks kan mga abogado.
Sa ngunian, nakipagkoordinar na soboot si Nasyonal sa mga otoridad asin sa security unit kan opisina para sa mas mahigot na seguridad sa lugar.
