Naglalaom an Presidential Anti-Organized Crime Commission (PAOCC) na mahali na an gabos nin ilegal na Philippine Offshore Gaming Operators (POGO) sa 2025.
Pigsaysay ni PAOCC Executive Director, Undersecretary Gilbert Cruz, na labi sa gatos nin POGOs sana an naghihiro nin small-scale sa nasyon makalihis an deklarasyon kan total ban ni Presidente Ferdinand R. Marcos Jr. sa mga POGO.
Gikan sa darakulang POGO hubs, sigun Cruz kadaklan sa mga operator na ini, nagnenegosyo na ngunyan gikan sa mga apartment, condominium, kabali na sa saindang mga kuwarto sa mga hotel o resort.
Naenot nang naisalbar kan PAOCC an 34 na Indonesian gikan sa soboot POGO hub sa Pasay asin inarestar an sarong babaeng Chinese na nagngangarang Liu Meng, duwang dae pa nabibistong Chinese national, asin sarong Malaysian.
Sigun pa ki Cruz, an mga Indonesian, ay nagsabi sa mga awtoridad na sinda pigpirit na magtrabaho para sa sarong “fraudulent operation” sa Pasay.
Makalihis suspendiron an mga aktibidad kaini kan nakalihis na Enero 21, obheto kan kumpanya na magbalyo sa Cambodia.
