Pigtawan duon ni Manila Rep. Joel Chua sa mga magkakanigong ahensya kan gobierno na imbestigaran an nagin papel ni dating Presidente Rodrigo Roa Duterte asin aki kaini na si Vice President Sara Duterte, sa pagpurbar na pagdulag sa ley ni Pastor Apollo Quiboloy.
Pigpunto ni Chua an dating Presidente an nagtitindog ngunyan na administrador kan Kingdom of Jesus Christ o KOJC compound kun saen nadakop si Quiboloy.
Pigtukoy man ni Chua na igwang pahayag sa VP Sara na mayo na sa KOJC compound sa Davao City si Quiboloy na posible soboot pigtuyong saysayon tanganing makapanlinlang.
Pigtawan duon pa ni Chua na No one is above the law kaya an kaibahan si dating Presidente Duterte asin VP Sara, an dapat nakikipagtabangan sa pagdakop sa mga wanted sa ley.
Pighalimbawa kaini si Quiboloy na nahahampang sa kasong child abuse, sexual abuse, asin qualified trafficking apwera pa sa mga kasong kinakahampang kaini sa Estados Unidos.
