Paraoma binadil gadan nin sarong barangay tanod sa CamSur

NAGA CITY- Nagtitinir pa nanggad na at large an sarong barangay tanod na suspek sa pambabadil gadan sa sarong paraoma sa banwaan nin Sipocot, Camarines Sur.

Binisto an suspek na si Mario Perea, 35-anyos asin sarong barangay tanod.

Sa nagunong impormasyon kan Bombo Radyo Naga, napag-araman na binadil kan suspek an biktima na si Manuel Soreta, 38-anyos sa saiyang daghan na nagresulta sa tulos na kagadanan kaini.

Inaaram pa man hasta sa ngonyan kan mga otoridad kun ano an rason sa nasambitang pambabadil.

Nagpapadagos pa man hasta sa ngonyan an pursuit operation kan mga otoridad tanganing madakop an nagdulag na suspetsado.