NAGA CITY- Gadan sarong paraoma makalihis na matumbahan nin poon kan niyog sa Lucban, Quezon.
Pigbisto an biktima na si Antonio Hoyumpa, 60-anyos.
Sa nakuang impormasyon kan Bombo Radyo Naga, napag-araman na nadukayan na sana kan sarong residente an mayo ng buhay na lawas ni Hoyumpa na kataid kan natumbang poon nin niyog sa umahan sa barangay Nagsinamo sa nasambitang banwaan.
Susog man sa iba pang mga residente sa barangay, antes pa mangyari an insidente, nakatagilid na suboot an nasambitang poon nin niyog asin huli sa labing pag-uuran, dagos na ining natumba.
Sa ngonyan, pigpapatintiran na an bangkay kan biktima sa saindang residencia.
