Paraoma nadukayang gadan sa Quezon

NAGA CITY– Nadukayang gadan an sarong paraoma sa Sitio Hinapay, Brgy. San Roque, Catanauan, Quezon.

Binisto an biktima na si Joseph Nabor, 48 anyos.

Sa nagunong impormasyon kan Bombo Radyo Naga napag araman na nadukayan na sana ni Delison Melano, tugang kan biktima si Nabor na nakabulagta asin duguan sa maduot na porsyon kan nasambitan ng lugar.

Tulos na idinalagan sa ospital si Nabor alagad ideneklarar ining dead on arrival kan mga doktor.

Sa kinundusir na imbestigasyon kan mga otoridad napag aramang nagsapo nin saksak sa manlaenlaeng parte kan saiyang lawas an biktima asin sarong tama sa saiyang payo.

Sa ngunian, nagpapadagos pa man an imbestigasyon kan mga otoridad sa nasambitan ng pangyayari.