NAGA CITY– Irido an sarong parasira makalihis pagsasaksakon kan kainuman kaini sa Purok 1, Brgy Sula, Vinzons, Camarines Norte.
Binisto an biktima na si Edmund Lopez, 35 anyos.
Sa nagunong impormasyon kan Bombo Radyo Naga napag araman na nag-iinuman sinda Lopez asin an suspek na si Jojo Ponayo , 44 anyos kan bigla ining magka-igwa nin dai
pagkasinabutan na napuli sa pananaksak kan suspek sa biktima.
Huli digdi, nagsapo nin lugad sa saiyang lawas an biktima na tulkos idinalagan sa ospital.
Makalihis an insidente, tulos na nagsuko sa Brgy kagawad an suspek na tulos man pig-turn over sa VINSONS-PNP para sa maninigong disposisyon.
Sa ngunian, nagpapadagos pa man an imbestigasyon kan mga otoridad sa nasambitan ng pangyayari.
