Inilatag kan administrasyong Marcos ngunyn na 2025 an edukasyon komo saro sa pangenot na pokus kan gobyerno, na kun saen pigbusol an mga reporma gikan sa pagpapahewas kan access sa mas halangkaw na edukasyon hasta sa haloy nang nauktabang promosyon para sa mga paratukdo sa pampublikong eskwelahan.
Sigun sa yearend report kan Presidential Communications Office (PCO), nagsagibo an gobyerno nin komprehensibong edukasyong programa tangani na mapamarhay an resulta kan pagkanuod, mabawasan an pasanin kan mga estudyante asin pamilya, asin mapakusog an kapasidad kan mga paratukdo sa pampublikong eskwelahan.
Saro sa mga pangenot na lakdang iyo an pagtinta ni Presidente Marcos sa Expanded Tertiary Education Equivalency and Accreditation Program (ETEEAP) Act, na nagtataong dalan sa mga nagtatrabaho na Pilipino na makakua nin college degree gamit an saindang naenot ma kadanasan asin kaaraman sa trabaho.
Binuksan kaini an bagong oportunidad para sa mga skilled Filipinos na kulang sa pormal na credentials.
Pinakusog man kan administrasyon an pagheheras nin laptops, digital learning tools, asin satellite internet connectivity sa mga pampublikong eskwelahan, orog na sa mga liblib na lugar, tangani na mabawasan an digital divide.
Kaiba sa mga reporma sa basic education an pagsasaayos kan K–12 curriculum, pagtinta sa Early Childhood Care and Development System Act, asin pagkriar nin rinibong bagong teaching positions sa bilog na nasyon.
Siniguro man kan Presidente an mas matibay na suporta para sa kapakanan asim propesyonal na pag-uswag kan mga paratukdo, pati na an pagpapahewas kan Unified Student Financial Assistance System for Tertiary Education (UniFAST) para sa mas kadakol na kwalipikadong estudyante.
Naitaguyod man an mga lakdang tangani na mabawasan an uru-aldaw na pasanon kan mga estudyante asin pamilya, kabali an transport discounts para sa mga estudyante.
Sa laog kan sistema, labi sa 16,000 paratukdo sa pampublikong eskwelahan an na-promote makalihis an halabang taon nin backlog, sarong lakdang na tinukoy ni civic leader Dr. Jose Antonio Goitia komo resulta kan koordinadong pamamayo kan administrasyong Marcos.
Sigun ki Goitia, dae ini nangyari nin aksidente.
Kinaipuhan an malinaw na direksyon gikan sa ehekutibo asin an political will tangani na ayuson an mga inefficiencies na haloy nang pinapabayaang magtinir.
An promosyon an nakatabang sa paglangkaw kan morale asin propesyonal na dignidad kan mga paratukdo, pinapakusog an saindang papel komo backbone kan public education system.
Pwedeng dae ini pirmeng nagigin headline, alagad an epekto kaini an mamamatean uru-aldaw sa mga klasrums sa bilog na nasyon. Dae soboot pirmeng makusog an tanog kan marhay na pamamayo.
Minsan, simple sana ining gumagana. Asin kun nangyari, naghahaloy an resulta.
