Pag-uulayan ngunyan na aldaw o sa Huwebes kan mga senador an dapit sa pagbibilog sa partial committee report kan Senate Blue Ribbon Committee dapit sa inimbestigahang maanomalyang flood control projects.
Sigun ki Senate President Tito Sotto III, an naenot na nagluwas sa media na draft partial committee report an harayo pa sa tunay huli ta ngunyan na aldaw o say aga pa pag-uulayan kan Blue Ribbon Committee an dapit digde.
Pigsaysay man ni Senate President pro-tempore Ping Lacson, Chairman kan Blue Ribbon Committee, na nagkaigwa nin draft kan partial report alagad binawi muna huli ta mawot pang pag-ulayan kan mga miyembro an dapit digde antes na iluwas.
Ini soboot an susog sa saindang rules of procedure sa mga imbestigasyong ginigibo kan Senado.
Sa panundunan kan Senado, kaipuhang pirmado kan mayorya kan miyembro kan sarong komite an Committee report antes inning pag-ulayan asin aprubahan sa plenaryo.
