Aram baya nindo mga ka-Bombo, sarong aki an naisalbar gikan sa posibleng pagkakabagok kan payo sa salog kan mahulog ini sa saiyang tukawan asin eksakto mang nahulog an sarong ulunan na nagsalo sa saiya.
Antes an pangyayari, abala an sarong pamilya sa Southern Leyte mantang nasa lamesa tanganig magkakan.
An aki an nasa sala man asin nakatukaw sa silya.
Igwa man ini nin kaibahan na nakatatanda alagad garo abala man sa pagbutingting kan mawot madalan sa TV.
Hasta sa bahagyang naghiro an ulnan sa sofa maski na mayo mang nagkakapot kaini na tawo.
Pirang minuto pa, patalikod na nahulog an aki gikan sa saiyang pigtutukawan.
Sa video, mahihiling na eksakto mang nahulog an ulnan na nasa sofa, na nagsirbing kutson sa nahulog na aki kaya dae ini nabagok sa salog.
Tulos mang nagrani an sarong lalaking kaparientes asin binuhat an paslit gikan sa pagkakatumba.
Para sa ina kan omboy, sarong anghel an nagsalbar sa saindang bunso.
Sa comment section man kan post, kadakol nin mga netizens an nagpahayag na totoo na may guardian angel an mga aki.
