Aram baya nindo mga ka-bombo, sarong kakaibang insidente sa United States an nangyari makalihis na magin opisyal na may-sadiri si Zach Clark kan kaenot-enoting rehistradong patatas komo gun silencer, na inaprubahan kan Bureau of Alcohol, Tobacco, Firearms, and Explosives (ATF), an ahensiyang katampad kan firearms regulatory body kan gobierno kan U.S.
Sa U.S., an gun silencer an pigkokonsederar na regulated firearm accessory. Kadalasan, mahigot asin mahal an proseso kan pagpaparehistro kaini, nag-aabot sa rib-ribong dolyar asin inaabot nin pirang bulan o taon antes maaprubahan.
Sa irarom kan bagong ley na inapod na One Big Beautiful Bill, ginibong libredo asin online an pagpaparehistro kan mga suppressor designs, sarong lakdan g na obhetong parekason an proseso para sa mga legal na gun owners.
Alagad dae na naglaog an loopholes sa bill na ini.
Huli ta dae malinaw kun gurano kahigot an beripikasyon sa mga pigsusumiter na disenyo, pigsasamantala ini kan nagkapirang gun owners tanganing magrehistro kan mga kakaibang bagay komo “silencer”siring kan ulnan, lata ng energy drink, asin sa kaso ni Clark, 1-pidasong patatas.
Piglinaw man ni Clark na dae kaini pigplanong gamiton an patatas sa badil, huli ta sierto na madudurog sana ini sa enot na putok. An obheto kaini, ipahiling an mga loopholes kan bagong sistema.
Sigun pa ki Clark, posibleng nagin random na sana an pag-aaprubar kan ATF huli sa dagsa kan aplikasyon asin limitadong manpower.
Komo eksperimento, nagsumiter ini nin tolong magkakasuhay na aplikasyon para sa tolong patatas, kada saro an igwang sadiring serial number:
Sa ibong kan magkaparehas na dokumento asin detalye, duwa an naaprubahan.
Napag-araman man na dae kabali sa listahan kan authorized dealer kan mga lisensyadong manufacturer kan Liqufied Petroleum Gas an dealer na pinagkukuanan nin suplay kan patatas.
