Nakumpleto na kan Philippine Basketball Association (PBA) an listahan kan mga all-time great na mabilog sa 50 Greatest Players sa historya kan liga.
Ginibo ini kan PBA komo parte kan selebrasyon sa ika-50 season kan liga.
Pira sa mga kaibahan sa listahan kan mga pinakamatibat na Pinoy Basketball Players iyo sinda Nelson Asaytono, Jeffrey Cariaso, Bong Hawkins, Abe King, June Mar Fajardo, Danny Seigle, Scottie Thompson, Manny Victorino asin iba pa.
Taong 2000 kan pinangaranan kan PBA an 25 Greatest players kaini, kasabay kan ika-25 season kan liga.
Sa nasambitan ng listahan, kaibahan digde sinda Kenneth Duremdes, Jojo Lastimosa, Samboy Lim, Ronnie Magsanoc, Benjie Paras, asin iba pa.
Enot nang pigtatag an PBA kan nakalihis na taong-1975.
Ini an primerong professional basketball league sa Asia asin ikaduwang pinakagurang na liga sa bilog na kinaban kasunod kan National Basketball Association(NBA).
Sa presente, an lambang PBA season an pigbibilog kan tolong tournament na bistado sa apod na conference: Philippine Cup, Commissioner’s Cup, asin Governor’s Cup.
