Pinusuan kan netizens an sarong referee kan Philippine Basketball Association (PBA) na nag-anunsyo kan saiyang pagreretiro makalihis an labi 30 taon.
Sa saiyang facebook post kan nakalihis na Hulyo 25, 2025, sinabayan ni Nol Quilinguen an pagtatapos kan PBA season 49 Philippine Cup sa pagsasarado na man kan saiyang kabtang sa hard court komo referee sa laog nin haros labi tolong dekada.
Sa saiyang post sinaysay kaini na kaya pa soboot kaini sa puso asin isipan, alagad dae na man soboot kaya kan saiyang lawas na nagsasabing oras na tanganing magpahingalo.
Dugang pa kaini na dae man malilikayan an pagkantyaw na pwedeng igapo kan fans gikan sa “mga bias asin lutong pog-aapod,” alagad nagpasalamat ini sa gabos na nagtiwala sa saiyang patas asin tapat na serbisyo.
Siring man, nagpasalamat man ini sa saiyang mga nagin kaibahan na soboot naging pamilya kaini sa kada kawat, magin sa saiyang mga amigo na nagtaong inspirasyon sa saiya, sa mga players na na hinatulan kaini nin patas asin tapat, hasta sa mga namayo/namayo kan liga na nagtiwala sa saiyang kakayanan.
Katakod digde, an pamamaaram ni Nol puon sa hardcourt an tulos na inuran nin pag-omaw gikan sa netizens.
Mientrastanto, sa pagtapos kan season 49 kan Philippine Cup, bweltada sa kampeonato an San Miguel Beermen makalihis nindang pataubon an Talk ‘N Text Tropang Giga sa finals sa iksor na 107-96.
