Biyaheng Amerika si Presidente Ferdinand Marcos Jr., sa domingo asin saiyang gagamiton an pagbisita tanganing bukasan an mga ulayang igwang kinaaraman sa Pilipinas asin liwat na ibusol an interes kan mga Pilipino.
Sigun ki Foreign Affairs ASec. Raquel Solano na enot sa mga agenda kan Presidente sa magigin pag-ulay kaibahan si Presidente Donald Trump iyo an pagtalakay sa 20% reciprocal tariff na ipinataw kan Amerika sa Pilipinas.
Igwa na soboot mga opisyal kan Pilipinas an naenot na sa Washington DC, para sa nagpapadagos na negosasyon sa ulayang ini.
Naglalaom soboot an gobyerbo na sa pagbisitang ini ni Presidente Marcos, makakabilog nin sarong bilateral trade agreement o kasunduan para sa reciprocal trade, kun saen kapwa mabenipisyo an duwang nasyon.
Sa linya kan depensa asin seguridad, dae soboot mawawara sa mga posibleng mapag-ulayam kan duwang lider an mga development o mga nangyayari sa West Philippine Sea (WPS).
Naglalaom pa man an gobyerno na sa pagbisitang ini kan Presidente sa US, liwat na makakapag-secure an Pilipinas nin assistance o suporta gikan sa US, para sa pagpapahigot pa kan kakayanan asin kagamitan kan Armed Forces of the Philippines asin kan Philippine Coast Guard.
Si Presidente Marcos, opisyal na mabisita sa US puon Hulyo 20 hasta 22, 2025 komo kasimbagan sa imbitasyon ni President Trump.
