Pigsierto kan Malakanyang na dae tutugotan ni Presidente Ferdinand Marcos Jr., na igwang mga kwestiyonableng proyekto na masisingit sa 2026 national budget.
Kasimbahgan ini kan Palasyo makalihis na ibunyag ninda House Deputy Speaker Ronaldo Puno asin Marikina Representative Marcy Teodoro na igwang mga kwestiyonableng proyekto sindang nahiling sa irarom kan 2026 National Expenditure Program (NEP).
Partikualrmente na tinukoy ni Rep. Puno an mga priority projects gikan sa saiyang distrito na nawara sa NEP.Sa kampo man ni Rep. Teodoro an proyekto na tinukoy sa NEP, nakumpleto na alagad liwat natawan nin pondo sa 2026 NEP.
Sigun man ki Palace Press Officer USec. Claire Castro na dae tulos paghusgahan an isyu, dapat makipag-koordinar muna an mga lawmakers sa Department of Public Works and Highways dapit sa nahiling na kwestiyunableng proyekto asin aramon muna nin marhay an detalye kan proyekto.
Abiso kan Malakanyang na mag-ulay muna an DPWH asin mga kongresista dapit digde.Hurot ni USec. Castro kun napatotoohang isiningit talaga an proyekto sa 2026 budget dae ini tutugotan kan Presidente.
Sigun ki Castro, anggot na an Presidente sa nasambitan ng kontrobersiya huli sa nasambitan ng pondo an para sa taumbayan.Dinepensaran man kan Department of Budget and Management (DBM) an alegasyon na saindang pigmamaniobra an pambansang budget.
Inihayag ni Castro basado sa pahayag kan DBM itinao sana sa sainda an proyekto.
Sinaysay kan Palace official na mas marhay kun igwang ipapahiling na ebidensiya an mga lawmakers asin kun mapatotoohan na igwang nagsingit dapat ining manimbag.
Iimbestigaran man kan independent commission an soboot insertions sa 2026 National Expenditure Program (NEP.Sa ngunyan pigpa-finalize na an magigin composition kan bibilogon na Independent Commission.
