Ipinag-unambitan ni Pangulong Ferdinand Marcos Jr na mayong Pilipinong naipabalitang nagadan o nalugadan sa ikinasang joint combat operations sa pagultangan kan US asin Israel kontra sa Iran.
Ini an sa ibong kan mga report na nagadan na sa airstrike an Supreme Leader kan Iran na si Ayatollah Khamenei.
Sa sarong video message, nagtao nin pahayag si Pangulong Marcos manungod sa naglalalang tensyon sa Middle East makalihis bombahon kan Israel asin Amerika an Iran asin magbalos an Iran sa paagi kan pag-atake sa mga base kan Amerika sa United Arab Emirates, Bahrain, Oman, asin Israel.
Huli digdi, sigon sa Pangulo, tulos na nag-monitor an gobyerno sa paagi kan mga embahada asin labor attache sa rehiyon para siguraduhon an kamugtakan kan mga Pilipino duman.
Sinabi kan Presidente na bandang 9:00 nin aga ngunyang Domingo, na mayong Pilipinong an mga nakulugan na pag-atake. Sinabi man kaini na kadaklan sa mga Pilipino an nasa ligtas na lugar.
Iniiwasan man kan mga Pilipino an mga lugar haani sa mga military base kan Amerika.
Mientras tanto pinagsugo man kan Presidente an Department of Foreign Affairs (DFA) asin Department of Migrant Workers (DMW) na ipautob an gabos na contingency plans para masierto an siguridad kan mga Pilipino na nasa Middle East kasunod kan airstrike sa Iran.
Sa sarong opisyal na pahayag, pinag-unambitan man kan Presidente na “paramount” o pinakaimportante an seguridad kan mga OFW’s asin mga kakabayan nyato na na sa rehiyon.
Sigon naman kay DFA Secretary Maria Theresa Lazaro na sa presente ay nasa “full alert” na an mga embahada kan pilipinassa Tehran asin Tel Aviv, kasabay man an mga nasyon sa Gulf Cooperation Council (GCC) kung sain kadakol na mga Overseas Filipino Workers (OFWs).
Samantala, inatasan ni Pangulong Marcos ang Department of Foreign Affairs (DFA) at Department of Migrant Workers (DMW) na ipatupad ang lahat ng contingency plans para matiyak ang kaligtasan ng mga Pilipino sa Gitnang Silangan kasunod ng mga ulat ng airstrikes sa Iran.
