Kumpiyansa si Presidente Bongbong Marcos na mayong magbabago sa relasyon kan Pilipinas asin Estados Unidos kasunod kan pagkakagana ni US President Donald Trump.
Sinaysay pa kan Presidente na an Amerika haloy nang kaalyado kan Pilipinas, kaya dai kaini pighuhuna na mababago an relasyon kan duwang nasyon.
Enot na ipinaabot ni Presidente Marcos an saiyang mga pagbati ki Trump, asin piglalaoman kaini na makatrabaho kaiba an lider kan Estados Unidos sa manlaen-laen na isyu na parehong makikinabang sa Estados Unidos asin sa Pilipinas.
Napag-araman na igwa nin hararom na relasyon an Pilipinas asin Anerika pag-abot sa mga bagay na defense and security, trade and investment, food and energy security, renewable energy, climate action, digital transformation, infrastructure development, asin humanitarian assistance.
