Nagkaulay kan nakalihis na aldaw nin Martes si Presidente Ferdinand Marcos Jr. asin an elehidong Presidente kan Estados Unidos na si Donald Trump.
Laoman an padagos na pagkusog kan kooperasyon kan Pilipinas asin Estados Unidos, sa irarom kan administrasyon ni Trump.
Segun ki Presidente Ferdinand R. Marcos Jr., nagkaigwa ini nin pagkakataon na makaolay si Trump sa telepono, kun saen pigbati kaini si Trump sa saiyang kapangganahan sa dai pa sana nahahaloy na natapos na eleksyon sa Estados Unidos.
Sinabi pa kan presidente, pinag-olayan ninda an asosasyon kan Manila asin Washington, kun saen tinawan duon kan nasyon an saiyang pangako na orog pang pakusugon an hararom sanahan na ini.
Sinambit man kan presidente na kabali an mga Pinoy sa Estados Unidos sa mga nagboto ki Trump.
Sinabi ni Presidente Marcos na plano pa man na personal na makipag-ulay sa presidente-elect.
Pigkonsiderar kan Presidente an saindang orolay na sarong friendly call at napaka productive.
Pighapot si Pang Marcos kun napag-olayan ninda an isyu dapit sa mga Pilipino immigrants, an simbag kan presidente dai ninda ini pinag-olayan ni Presidente Trump. Alagad, pigsaysay kan Presidente na pig-aareglo na kan embahada an nasambitan ng bagay.
