Positibo si Presidente Ferdinand Marcos Jr. na makukua pa man an mga target na programa ngunyan na taon maski mas hababa gikan sa prosopwesto an pig-aprubarang 2025 national budget.
Sa line veto message kan Presidente sinaysay kaini na piglalaomang magdadadar nin “multiplier effect” sa ekonomiya kan nasyon an pig-aprobarang budget.
Magin si Finance Secretary Ralph Recto an nagsaysay man na magigin matatag an dalagan kan ekonomiya sa masunod na taon.
Pigtawan-duon ni Recto na first time sa historya kan nasyon na kapwa an education sector asin an capital outlay sector kan DPWH, DOTr (Department of Transportation) na nagkaigwa nin trillion pesos na budget kaya dakula an ambag kaini sa pag-uswag kan ekonomiya sa 2025.
Piglalaoman man kan Presidente an pagmaray kan proseos sa pagnenegosyo asin pagkriar kan orog na darakulang bagong trabaho.
Susuportaran kan budget an modernisasyon kan agrikultura asin agribusiness, pagtataguyod kan kalakalan asin investments, pagpapasigla kan mga serbisyo, asin mas advance na research and development.
Matinir man soboot sa 5 hasta 6% an gross domestiv product (GDP) kan nasyon an paggastos sa imptrastraktura tanganing mapatinir man an halangkaw na trajectory kan pag-uswag.
Pig-sierto man kan Presidente an matipid na pamamahala sa mga utang tanganing maglangkaw pa an rating kan nasyon sa manlaen na global credit rating agencies asin maka-utang pa sa mas hababang interes tanganing masuportahan an darakulang proyekto kan gobyerno.
Pig-enkaminar kan Presidente an namamanwaang Pilipino na suportaran asin makisaro sa gobyerno tanganing mag-uswag an nasyon.
