Mahigot na pigmomonitor ni Presidente Ferdinand Marcos Jr an kamugtakan kan mga residente sa Davao Oriental asin mga kataid na lugar makalihis an magkakasunod na makukusog na linog na nagpayugo-yugo sa rehiyon kan nakalihis na Oktubre 10.
Komo kasimbagan, pwersonal ining nagpasiring sa mga apektadong lugar asin iniba an nagkapirang miyembros kan saiyang gabinete tanganing siertuhon an marekas asin angkop na pagsimbag kan gobyerno.
Sa saiyang pagbisita sa mga banwaan kan Manay asin Tarragona, pinangenotan ni PBBM an situational briefing kaibahan an mga opisyal kan lokal na gobyerno.
Digde man saiyang pigsierto an tulos na pagtagama nin tabang, kaibahan an P298 milyong pondo gikan sa Office of the President para sa mga LGU sa Davao asin Caraga regions.
Mientrastanto, an tulos na tabang na itinao iyo an pagkakan, hygiene kits asin cash, para sa anumang kaipuhang personal na bakalon.
