Nagtitinir na kumpiyansa an Malacañang na mapipirmahan ni Presidente Ferdinand R. Marcos Jr. an 2026 national budget antes na matapos an taon.
Ini an pahayag ni Palace Press Officer Claire Castro kan haputon kun igwa nin bastante pang panahon an Presidente tangani surion asin tintaan an propwestong budget, orog na sa December 29 pa ini an nakatalang maratipikaran kan Kongreso.
Sigun ki Castro, may malinaw na proseso an ehekutibo para sa masusing pagbusisi kan national budget tangani masierto na ini an maayos, transparent, asin nakaayon sa mga prayoridad kan gobyerno.
Sisiguraduhon man soboot kan Presidente na mayong kuwestiyonableng alokasyon asin an pondo kan taum bayan an mapapasiring sa mga programang direktang pakikinabangan kan mamamayan.
Pigsierto kan Malacañang na matinir na prayoridad kan administrasyon an responsableng paggastos asin maayos na pagpapautob kan 2026 national budget komo suporta sa mga serbisyong panlipunan asin pang-ekonomiya kan nasyon.
