Piglinaw kan Malakanyang na mayong anuman na partisipasyon asin dae aram ni Presidente Ferdinand Marcos Jr. kun igwang kasunduan sa tahaw ninda VP Sara asin Sen. Imee Marcos mapadapit sa pagkakakulong ki dating Presidente Rodrido Roa Duterte sa International Criminal Court.
Ini an pahayag ni Palace Press Officer USec Claire Castro kasunod kan pahayag ni VP Sara na huli ta si Presidente Ferdinand Marcos Jr suboot an nagpadara ki dating Presidente Duterte sa Hague, dapat si Senador Marcos an magdadara pabweltada sa Pilipinas sa dating presidente.
Pigtawan-duon ni Castro na mayong aram si Presidente Marcos sa kasunduan kan sarong manggamit asin sarong handang magpagamit.
An kamawotan sana soboot kan Presidente iyo an magpadagos asin magtutok sa trabaho.
Dugang pa ni Castro na mayong ibang mawot an Presidente kundi an aksyon asin dae pwedeng magbakasyon.
Kan hinapot si Castro kun igwa pigpapasaringan na nagbabakasyon ngonian, nagsayuma ining magsimbag asin sinaysay na bahala na an publiko na mag obserbar asin pag-adalan kun igwa mananggad nin mga indibidwal na panay an nagbabakasyon bakasyon sa ngunyan.
