Piglinaw ni Presidente Ferdinand Marcos Jr. na nagtitinir na marhay an saindang relasyon ki dating Executive Secretary Lucas Bersamin asin dating Budget Secretary Amenah Pangandaman, sa ibong kan rigodon sa gabinete na napuli sa saindang pagbutas sa puwesto.
Marurumduman na pig-anunsiyar kan Malacañang an pagbubutas kan duwa huli sa “delicadeza” makalihis maipit sa kontrobersiyang may kinaaraman sa budget.
Siringman, pigtawan duon ni Bersamin na dae ini soboot kusang nagbutas, kundi sinabihan sana na maghali sa posisyon.
Sigun sa Presidente, nagkaulay na sinda ni Bersamin asin napagkasunduang magtinir sa pag ultanan ninda an detalye kan saindang pag-uulay.
Mientrastanto, sinaysay kan Presidente na nadawit sana si Pangandaman sa isyu.
Asin importante na dae maibubugtak an dating budget chief sa posisyong pupwedeng pagdudahan o akusaran na may impluwensiya sa anumang imbestigasyon o proseso.
