Nangapudan si Presidente Ferdinand Marcos Jr. sa mga opisyal kan lokal na gobierno na magtabangan tanganing tapuson an korapsyon asin maibwelta an tiwala kan publiko sa gobierno.
Sa panunumpa kan mga bagong opisyal kan League of Cities of the Philippines (LCP) asin League of Municipalities of the Philippines (LMP) sa Malacañang, pigtawan duon kan Presidente na dae kaini soboot palalampason an anuman na klase kan katiwalian.
Sigun pa ki Presidente Marcos, trabaho kan gabos na opisyal na ipauntok an salang gibo na nagraraot sa tiwala kan nga namamanwaan para sa futuro kan nasyon.
Komo dating gobernador, pigsaysay kan presidente na aram kaini an hamon sa lokal na liderato asin pig-enkaminar an mga opisyal na magtinir na magin matanos asin modelo sa serbisyo publiko.
Mientrastanto pigsugo kan Presidente an imbestigasyon sa soboot kickback scheme sa mga flood control project asin pinirmahan man kaini an executive order na nagbilog kan Independent Commission for Infrastructure (ICI) tanganing siripon an mga iregularidad asin kasuhan an mga imbwelto.
