Pinasalamatan ni Presidente Ferdinand Marcos Jr., an gabos na mga Pinoy na nagboto sa eleksyon kan nakalihis na aldaw nin Lunes.
Sa pahayag na iniluwas kan Presidente, saiyang tinawan duon na liwat naipahiling kan nasyon an diwa kan demokrasya, sa paagi kan matrangkilo, pakarhay asin may dignidad na halalan.
Sinaysay kan Presidente, parehas soboot ini pagselebrar kan pagpapadagos asin man pangapudan sa gobyerno na umaksyon para sa tunay na mga hamon na kinakaatubang kan mga Pilipino.
Kumpiyansa si PBBM sa mga nailihir na opisyal na mag dangog an mga ini sa gabos man na mga agrangay o haragadon kan taongbayan, pirmeng mag atubang asin man umaksyon sa mga hamon kan inflation, trabaho, korapsyon asin magin sa pang uru-aldaw na problema kan mga Pilipino.
Labi man an pasasalamat kan Presidente sa taumbayan na nagboto asin nag suporta sa mga kandidato kan administrasyon.
Sinaysay kan Presidente, na dawa dae man gabos ay nanggana sa 12 senatorial candidates mapadagos pa man giraray an saindang misyon asin man lambang mga trabaho.
Pigtawan duon kan Presidente sa mga dae pinalad na manggana, saiyang nirirespeto an tapang kan mga ini asin man paninindugan para sa public service.
Pangapudan pa kan Presidente ngunyan na tapos na an halalan na ipadagos man an pag usad bako man para balikan an mga nakaagi kundi para sa futuro.
Inihayag man kan nasambitan ng Presidente an saiyang pag congratulate sa mga bagong mga halal na kandidato na magkasararo sinda na bukasan an pag iisip pasiring man sa sasarong misyon na pangasiwaan nin marahay an gobyerno pasiring sa mas matrangkilo asin man produktibong nasyon
