Inomaw ni Presidente Ferdinand Marcos Jr an bagong pamayo kan Kapisan ng mga Broadkaster ng Pilipinas (KBP) asin inasegurar an padagos na proteksyon kan mga peryodista bilang parte kan pagpakusog kan demokrasya.
Tinawan duon kan Presidente an importanteng papel kan media sa paghatod nin tama asin responsableng impormasyon, kasabay kan pagmidbid sa mga peligro asin huma na inaatubang kan mga peryodista.
Tanganing mas maprotehiran an media, an Presidential Task Force on Media Security nakipagkoordinar sa NBI asin sa Public Attorney’s Office para sa mas epektibong seguridad asin tabang legal. Inenkaminar man kan Presidente an media na magpartisipar sa laban kontra sa mga salang impormasyon asin disinformation, kaiba an gobyerno asin tech companies arog kan Google asin Meta.
Ilulunsar man kan PCO an “Oplan Kontra Fake News,” sarong sistema nin marikas na pagresponde laban sa mga pekeng bareta. Pang. Sinabi man ni Marcos an importansya kan transparency asin modernong teknolohiya arog kan mga satellite asin drone sa pagbantay sa mga proyekto kan gobyerno.
Inabisuhan kan Presidente an bagong liderato kan KBP na ipadagos an inobasyon sa pagbrodkast asin ipag-ingat an mga halaga nin independensya, responsibilidad, asin serbisyo sa banwaan.
