Pigbulos kan gobierno an nasa ₱549 bilyong pondo tanganing pakusugon an serbisyong pansalud sa bilog na nasyon.
Sigun ki Presidente Ferdinand Marcos Jr., gagamiton an pondo tanganing simbagan an kakulangan sa mga ospital, pasilidad, makabagong kagamitan, asin health workers, orog na sa mga lugar na limitado an access sa serbisyong medikal.
Sa kabilugang pondo, labi ₱427 bilyon an pigtagama para sa Department of Health (DOH) asin PhilHealth; labi ₱13 bilyon para sa mga specialty hospital; haros ₱9 bilyon para sa mga ospital kan Department of National Defense (DND) asin Philippine National Police (PNP); asin ₱98 bilyon para sa mga programang pansalud kan mga lokal na gobierno.
Igwang haros ₱1 bilyon para sa medical scholarships asin tuition subsidies kan mga estudyante sa State Universities and Colleges, asin ₱1.4 bilyon para sa medical assistance asin zero balance billing sa Philippine General Hospital (PGH).
Pigtawan duon kan Presidente na obheto kan mga pondong ini na parekason an access sa serbisyong medikal asin pagayunon an kalidad an pangangatamang pansalud para sa mga Pilipino.
Nagtao man an Presidente nin ₱15 milyong tulong sa Baseco Hospital para sa pag-upgrade kan pasilidad asin serbisyo.
Nagbisita man an Presidente sa Ospital kan Maynila Medical Center, na nakapagrehistro nin pinakahalangkaw na pasyenteng nakinabang sa PhilHealth Yaman ng Kalusugan Program (YAKAP) kan Setyembre.
