Pigkumpirmar ni Presidente Ferdinand Marcos Jr., na nakalaan ining makipag-meeting ki US President Donald Trump tangani pag-ulayan an manlaen-laen na importanteng isyu sa pag-ultanan kan Pilipinas asin US.
Pigsaysay kan Presidnete na kadakol sindang pag-uulayan partikularmente na sa kalakalan, defense and security asin an bagong polisiya kan Amerika sa immigration. Lilinawon man kan Presidente ki Trump an direktiba kaini katakod sa pag-untok paramientras kan foreign aid kan US.
Sa ngunyan kaya dae pa malinaw an direktiba katakod sa pagpapa-untok ni Trump sa mga ayuda kan US sa mga nasyon kaya nagsayuma muna na mag komento an Presidente. Sigun pa ki Presidente Marcos na magin an mga ahensiya sa US government an dae man ninda naintindihan kun ano an mawot sabihon sa nagin kasuguan ni Trump.
Dae man pigsabi kan Presidente kun nuarin sinda mahilingan asin mag meeting ni President Trump. Naglalaom si Presidente Marcos na makakapag impluwensiya an Pilipinas katakod sa bagong polisiya kan US sa immigration.
Huli sa nasambitan ng polisiya ni Trump, gatos na mga Pilipino na an napapuli pabalik nin nasyon.
