Nangapudan si Presidente Ferdinand Marcos Jr. sa gabos kan national government agencies na i-adopt an austerity measures para sa Christmas asin year-end celebrations huli sa kansuarin sanang natural disasters asin kalamidad na labi na makaapektar sa nasyon.
Sa bisa kan kapangyarihan kan Presidente, nagpaluwas si Executive Secretary Ralph Recto kan Memorandum Circular 110 kan nakalihis na December 15, inatasan an gabos kan national government agencies (NGAs) asin instrumentalities na magpautob nin mas simple, mas ‘restrained’ na holiday observances.
Sakop man kan direktiba an government-owned or controlled corporations asin state universities and colleges.
Mantang pigbibisto an awtonomiya na ini-enjoy kan mga ini, pig inkaminar man kan Malakanyang an local government units na i-adopt an kahalintulad na lakdang.
Hagad kan kasuguan na pugulan an salang paggamit kan government resources, i-promote an kultura kan pagigin simple sa burukrasya asin suportaran an paglalapigot kan gobyerno na iprayoridad an mga importanteng mga programa aain serbisyo.
Nagtitinir an Marcos administration sa fiscal discipline asin man sa prudent use kan government resources, alinsunod sa socio-economic priorities kan nasyon asin man nagpapadagos na expenditure management reforms, susog sa circular.
Binanggit man kan MC 110 an Executive Order No. 292, o an Administrative Code of 1987, na nagtatao nin mandato sa gabos kan government resources na “be managed, expended, and utilised” sigun sa “relevant laws, rules, asin regulations
