Nasa Kuala Lumpur, Malaysia si President Ferdinand R. Marcos Jr. tanganing mag-atendir sa ika-47 ASEAN Summit and Related Summits, kun saen nakiparte ini sa Plenary Session na ginanap sa Kuala Lumpur Convention Center (KLCC) ngunyan na aldaw Oktubre 26, 2025.
Sa nasambitan ng sesyon, pinag-urulayan kan mga lideres kan ASEAN an mga importanteng isyung igwang kinaaraman sa pagpapatibay kan ASEAN Community, pagbubusol kan ekonomiya, asin pagpapahewas kan konektibidad sa rehiyon.
Pigtawan-duon man ninda an pangangaipuhang pakusugon an pagkakasararo asin centralized ASEAN, siring man an pagsuporta sa sarong rules-based multilateral order sa tahaw kan marekas na pagbabago kan pangkinaban na sitwasyong pampulitika.
Saro sa mga tampok na parte kan plenaryp an Handover Ceremony kan Second Protocol to Amend the ASEAN Trade in Goods Agreement (ATIGA) — sarong free trade agreement na obhetong maparekas an kalakalan sa laog kan rehiyon sa paagi kan pagbabawas o paghahali kan mga taripa asin ulang sa kalakalan.
Para sa Pilipinas, liwat na pigsierto ni Presidente Marcos Jr. an paninidugan kan nasyon sa sarong “future-ready ASEAN”, asin pigbisto an responsibilidad kan Pilipinas na pamayuhan an enot na taon kan pagpapautob kan mga estratehikong plano para sa ASEAN 2045.
