Pigsierto kan Palasyo kan Malakanyang an padagos asin man masigasig na pakikipaglaban ni Presidente Ferdinand Marcos Jr. sa karapatan kan Pilipinas sa teritoryo asin man maritime rights kaini sa West Philippine Sea.
Pahayag ini ni Palace Press Officer Claire Castro kasunod kan claim kan China na na-okupahan na kaini an Sandy Cay bagay na pinahimutikan kan Palasyo. Sigun ki Castro, mismong an national security council an nagsabing mayo nin katotohanan an nasambitang report.
Binanggit man kaini an ginibong inter-agency maritime operation sa Sandy Cay 1, Cay 2 asin Cay 3. Hurot ni Castro, dagos-dagos an pagprotehir sa gabos nin karapatan kan Pilipinas na naaayon sa international law, alagad igwa nin paniniguro na ini man ay para sa katrangkiluhan asin katatagan kan rehiyon.
