Liwat na nagpaabot nin batikos si Presidente Ferdinand Marcos Jr. makalihis an ginibong site visit niya sa rock netting project sa Camp 5, Kennon Road, Tuba, Benguet.
Nagpagaraman na ‘overpriced asin substandard’ an nasambitan ng proyekto, dugang pa na peligro an dara kaini bakong proteksyon sa publiko.
Susog sa Presidente, an proyekto na nagkakantidad nin P114.18 milyon an siningil nin apat na beses sa aktuwal na presyo, na nagresulta soboot sa 75% kickback.
Huli digde, inapod kaining ‘notorious’ an proyekto huli ta dati nang pinagbawal an nasambitan ng netting alagad pgpapadagos pa man giraray.
Basado man sa rekord kan DPWH, an proyekto an ipinautob kan 3K Rock Engineering na pagsadiri kan negosyanteng si Francis Cuyop.
Dugang pa kan Presidete, mayong isinagibong public hearing asin man dae naiagi sa lokal na opisyal an proyekto, rason man tangani mabayolar an tamang proseso.
Hurot kaini, dapat liwat na ibalik an dating sistema kun saen man mismong stakeholders asin local officials an nagsusuri antes na akuon an mga proyekto.
Marurumdumang naenot nang nagtao nin komento an Presidente sa mga flood control sa Benguet kan nakalihis na Dominggo, Agosto 24, sa pagbisita kaini sa Tuba, Benguet.
