Maduon na pigkondenar ni Presidente Ferdinand Marcos Jr., an nangyaring air incident sa parte kan Bajo de Masinloc kun saen nagpakawara nin “dropped flare” an multirole aircraft sa rutang pig-agihan kan Philippine Air Force (PAF) na nagsasagibo nin routinary maritime patrol sa teritoryo kan nasyon.
Nakikisumaro an Presidente sa mga matatapang na personnel kan PAF.
Pigsaysay pa kan Punong Ehekutibo na an aksiyon kan People’s Liberation Army – Air Force (PLAAF) an unjustified, illegal asin reckless orog na ta naglulupad ini sa sovereign air space kan Pilipinas.
Pigtawan duon pa ni Presidente Marcos na ngunyan nagkalma na sa kadagatan alagad sa ere na naman nagsasagibo nin mga delikadong aksiyon sa airspace.
Dugang pa kan Presidente na matinir na committed an Pilipinas para sa sarong diplomasiya asin matuninong na paagi sa pag resolbar sa anuman na dae pagkakaintindihan.
Nangapudan man an Presidente sa China na magin responsible sa saindang aksiyon sa dagat man o sa himpapawid.
