Pigpapasierto ni President Ferdinand Marcos Jr., sa mga concerned government agencies na parekason an pagsimbag sa mga komunidad na tinamaan kan kalamidad.
Ini an pigtawan-duon ni Executive Secretary Ralph Recto kan makipag-ulay ini sa Department of Budget and Management (DBM), Office of Civil Defense (OCD), asin Department of the Interior and Local Government (DILG).
Sa meeting, pigtawan-duon ni Recto an malinaw na direktiba ni Presidente Ferdinand Marcos Jr., na dapat tulos asin nasa tamang oras na makaabot an tabang sa mga apektadong pamilya.
Kinakaipuhan soboot na pasimplehon an presenteng proseso kan pagsusuri asin pag-aprubar kan mga kahagadan kan mga lokal na gobyerno tanganing mahali an mga bottleneck asin maparekas an pagluluwas nin tabang asin pondo.
Sinugo man ni Recto na an mga mekanismo kan alokasyon sa irarom kan National DRRM Fund–Disaster Rehabilitation and Reconstruction Assistance Program (NDRRM-DRRAP) an dapat magsirbong tabang sa marekas na implementasyon kan mga programa sa mga apektadong lugar, imbes na magin ulang.
Nagpromesa man an DBM, OCD, asin DILG na magtarabangan nin mas mahigot tanganing masierto an maagap asin marhay na koordinasyon sa pagsimbag sa mga kalamidad.
