Pigsaysay ni Presidente Ferdinand Marcos Jr., na amay pa tangani na pag-ulayan an pagtatao nin executive clemency ki Mary Jane Veloso.
Sa sarong entrevista, pigsaysay ni Presidente Ferdinand Marcos Jr na harayo pa an urulay na ini sa ngunyan, huli sa nasa preliminary stage pa sana an pag abot ni Veloso sa nasyon.
Segon sa Presidente, aram na ninda an kahagadan kan pamilya ni Veloso para sa saiyang clemency, alagad mas marahay kun mapag adalan na muna nin husto kan legal experts an sitwasyon ngunyan ni veloso tangani maaraman kun nararapat ini.
Pigsaysay pa kan Presidente na mayo man nin kondisyon na pigtao an gobyerno kan indonesia asin pig paubaya na sa gobyerno an pagtugot. Siringpaman, pabayaan na muna soboot na mabusisi kan mga experto an sitwasyon ngunyan ni Veloso.
Si Veloso an nag abot kan nakalihis na aldaw nin Myerkules sa nasyon gikan sa Indonesia asin pig deretso sa Womens Correctional sa Mandaluyong City kun saen ini matinir.
