Pinahimutikan ni Presidente Ferdinand Marcos Jr. na puppet state kan Estados Unidos asin mga kaalyado kaini an Pilipinas.
Ini an komo kasimbagan sa tuyaw kan China katakod kan pinagsanib-pwersang naval patrol kan India asin Pilipinas sa West Philippine Sea kasuarin sana.
Pigtawan-duon kan Presidente na igwang sadiring panluwas na polisiya an Pilipinas asin dae ini naghihiro para sa ibang nasyon.
Saysay pa ni Presidente Marcos na tungkulin kan Pilipinas na ipagtanggol an teritoryo kaini, asin kun igwang mga nasyong preparadong magtabang siring kan Amerika, Australia, asin Japan, tano soboot ini sasayumahan.
Marurumduman, sa primerong pagkakataon nagsagibo nin maritime cooperation activity an PH asin Indian Navies sa WPS, na tinuligsa kan China kun saen inapod kaini an India komo sarong third party na dae dapat soboot makiaram sa problema sa kadagatan.
Enot digde, padagos na pigtutuligsa kan China an mga defense cooperation kan Pilipinas sa ibang nasyon asin pigkonsiderar an isyu sa West Philippine Sea komo parte soboot kan mas maheas na geopolitical tension kontra sa Estados Unidos na haloy ng kaalyado kan Pilipinas asin igwang Mutual Defense treaty.
