Pigreklamo ni Presidential Communications Office Undersecretary Claire Castro sa National Bureau of Investigation (NBI) an soboot pagbabanta sa buhay kaini sa paagi kan social media post.
Sigun ki Castro, na may kinaaraman ini sa social media post kan Facebook page na Luminous by Trixie Cruz-Angeles asin Amet Paglinawan na naglalaman kan pangungulog nin pisikal asin seryosong banta sa saiyang buhay.
Dugang pa kaini na importante ipahiling sa NBI an nasambitan na pagbabanta huli ta baka may maraot na mangyari sa saiya.
Personal kaining pigbisto si Cruz-Angeles alagad bako si Paglinawan kun saen an FB page nagdadara kan parehas nindang pangalan.
Pig-amin ni Castro na natakod ini huli ta dae ini sanay na igwang banta sa saiyang buhay.
Duon kaini na an malayang pamamahayag mayo dapat kaakibat na pagbabanta.
Sa ngunyan pinag-aadalan kaini kun pormal ining masunad nin kaso.
