NAGA CITY- Opisyal nang pigtalaga komo City Director kan Naga City Police Office si PCOL. Gilbert Fariñas.
Sa nagin paghampang sa mga kagawad kan media ni PCOL. Gilbert Fariñas, City Director kan nasambitan ng hepatura, sinaysay kaini na ipapadagos an pagmantinir sa seguridad kan publiko, kampanya kontra sa illegal drugs, paghabol sa mga wanted persons, pagresolba sa kaso kan panghahabon asin iba pa.
Sigun pa sa opisyal, libredo naman ini na makakare-organize sa mga personahe tanganing maibugtak sa tamang trabaho an tamang tawo.
Dugang pa ni Fariñas, officer in charge pa sana ini gabos man na plano an naipapautob nin marhay kun kaya ngunyan na opisyal nang pigtalaga komo City Director isu-sustain na sana kaini an gabos na programa asin aktibidad.
Mientrastanto, dakula man an pasasalamat kaini sa mga residente kan siyudad para sa suporta na itinatao sa pagresolbar kan manlaen-laen na krimen na nagbubungkaras.
Kasabay digde, pigsaysay man kan opisyal mapadagos sinda sa pakikipag-koordinar sa mga barangay para sa mas pusog na implementasyon kan mga programa sa lado kan kapulisan.
Sa ngunyan, hagad na sana kaini an suporta kan publiko para sa mas marhay na siyudad nin Naga.
