NAGA CITY- Pigsierto kan National Bureau of Investigation (NBI) na maninimbag an naarestar nindang pekeng dentista makalihis na maggamit nin sarong lisensyadong dental clinic para magkondusir kan saiyang iligal na aktibidad.
Sigon ki Rex Solano hale sa NBI, mahahampang an suspek na si Nonilon Pantes Albes nin suruon suon na kaso siring man an maysadiri kan nasambitang klinika.
Naarestar an suspek makalihis an pigkondusir na raid kan NBI sa barangay San Antonio sa nasambitang banwaan.
Sa ngonyan, nagpapadagos pa suboot an pagmonitor kan mga otoridad sa gabos na mga klinika urog na an mga iligal na nagpapadalagan kaini sa bilog na probinsya nin Camarines Sur.
Mientrastanto, nagpatanid man sa publiko si Dr. Jess Albeus, legal chair kan Philippine Dental Association (PDA) na siertohon na igwa nin maninigong lisensya an dentistang raranihan para makalikay sa anuman na peligrong dara kan mga maaating gamit.
Dugang pa kaini, igwa sindang pigtutulod na ley kun kaya pigsierto kaini na dae makakalusot an mga pekeng dentista.
