Nagpaluwas na nin pahayag si Swedish national na si Pernilla Sjöö dapit sa mga seryeng cryptic message na nagkukuriyat ngunyan online dapit sa pagsuhayan ninda Andi Eigenmann asin Philmar Alipayo.
Si Pernilla Sjoö an babaeng pigkonektar sa pinagtutubudan na pagsuhayan ninda Andi asin Philmar na nagin urulay makalihis na mag-post nin ladawan kaiba si Alipayo kun saen igwa soboot nin macthing na tatooo na ”224”, na pinagtutubudan man na may buot sabihon na ”Today, Tomorrow, Forever.”
Kasunod kan nasambitan ng post, nag-post si Eigenmann dapit sa namamatian na garung ”sinaksak” soboot ini sa likod alagad dae na pigbanggit nin direkta si Sjoö.
Marurumdumang sa saro pang follow-up Instagram story, piglinaw ni Eigenmann na bako si Alipayo an nag cheat sa saiya, kundi si Sjoö soboot.
Huli man digde, nagsimbag si Sjoö sa isyu sa saiya man na IG post kan nakalihis na aldaw nin Sabado, Pebrero 8, asin pigtawan duon na ini, tao sana na nakakaeksperyensya nin panlalait na nagtaong hudyat man ki Sjoö tangani isa-pribado an saiyang social media account.
Nangapudan man ini sa publiko na magin marahay na tawo sa kada saro asin ipinahayag an kamunduan na iyong pighusgahan basado sana sa storya.
Mientrastanto, si Alipayo asin Eigenmann an na-engaged magpoon kan nakalihis na taong 2020 asin may duwang aki.
Nakaplano kuta sinda na magpakasal kan 2024, alagad an saindang plano an nauktaba huli man sa pagkagadan kan ina ni Eigenmann, an yumaong aktres na si Jaclyn Jose.
Sa ngunyan bako pang malinaw an kamugtakan kan saindang relasyon.
