Sinayumahan ni Senado President Francis “Chiz’ Escudero an kahagadan kan panel of prosecutors kan Kamara na tulos na pasimbagon si Bise Presidente Sara Duterte sa mga artikulo kan impeachment laban saiya.
Kan nakalihis na aldaw nin Martes, personal na nagsangat nin mosyon an mga piskal kan Kamara sa pangengenotan ni House Minority Leader Marcelino Libanan na mag-apelar sa Senado na ipasimbag sa VP si Sarah sa Cafe sa Manila Escudero.
An bise presidente makakapagkomento sana kun an impeachment court natipon na basado sa proposed calendar, an Senado matipon komo sarong impeachment court sa Hunyo 3.
Mientrastanto, orog pang pigtuyaw ni Escudero si Libanan na bako para saiya an pagtukdo sa lehislador kan pagkakaiba kan sarong sesyon asin sarong recess huli ta ini soboot an saro sa mga reglamento kan Senado na kapareho kaini.
Malinaw na dae pwedeng mag-isyu nin writ of summon huli ta mayo pang sesyon asin dae pa na ko-convene an impeachment court, ini an orog pang pigpagirumdom si Escudero ki Libanan manungod sa saindang padagos na pag-insistir na sa saindang interpretasyon dapat tulos na aksyunan an mga artikulo kan impeachment kontra sa bise presidente.
Sa ibong kaini, nagtutubod si Escudero na dae nagsayang nin oras si Libanan asin nagkapirang iba pang piskal sa pagsumiter nin apela sa senado.
An mga piskal enot na nag-asegurar kan konstitusyonal na mandato kan Senado na puonan an pagbista kasunod kan transmisyon kan reklamo.
Pigsaysay ninda an Section 3, paragraph 4, Article XI kan Konstitusyon na malinaw na nagsasabi, na “shall forthwith proceed”.
Alagad inaabisuhan sinda kan liderato kan Senado na dae na maghidali huli ta mas lalo sindang matawan nin mga rason an kampo nin iniimpeach ninda na makwestyon sa Korte Suprema.
