Nagpuon nang maresiber kan mga miyembro kan Philippine men’s curling team an saindang mga cash incentives gikan sa gobyerno.
Kasunod ini sa pagkakakua ninda kan historya na gintong medalya sa pigbalihan nindang Asian Winter Games sa China.
Sigun sa Philippine Olympic Committee (POC) na pigtao na ninda sa kada miyembro an tig- P275,000 komo incentives gikan sa POC Executive Board.
Sinabi ni POC President Abraham Tolentino , na an nasambitan ng kantidad an dikit sana kumparar sa mga sakripisyo asin mga sadiring gastos kan koponan mantang an mga ini nasa iraraom nin training.
An grupo an pigbibilog ninda Marc Pfister, Christian Haller, Enrico Pfister, Alen Frei, alternate asin Curling Pilipinas president Benjo Delarmente.
An mga Swiss-based athtletes, nagpepreparar naman para sa Milano Cortina Winter Olympics na ikukundisir sa masunod na taon.
