Naglangkaw sa enot na quarter kan 2025 an outstanding external debt kan Pilipinas sa account of borrowings kan gobierno asin banking sector, basado sa datos kan Bangko Sentral ng Pilipinas (BSP).
Pigtukoy kan BSP an external debt komo utang kan mga residente sa non-residents.
An external debt kan nasyon an nagpakol sa $146.74 billion sa katapusan kan Marso 2025, mas halangkaw nin 6.6% gikan sa nakalihis na quarter, asin mas halangkaw nin 14% gikan sa enot na quarter kan nakalihis na taon.
Pigtutukdo kan BSP an paglangkaw sa external debt sa enot quarter kan taon sa fund-raising activity kan gobierno na obhetong suportaran an infrastructure projects asin iba pang budgetary requirements.
Partikular na digdi an $5.06 billion kan gobierno gikan sa global bonds asin loans na ipinaabot kan foreign development institutions.
Nagkaigwa man nin access an mga lokal na banko sa offshore markets sa kaparehong panahon para sa short-term financing para suportaran an trading operations asin masimbagan an liquidity needs.
Sa year-on-year terms, an paglangkaw sa external debt an huli man sa bond issuances kan gobierno, na nagpakol sa $7.83 billion, asin utang kan mga lokal na banko na nagpakol sa $6.14 billion, sigun sa BSP.
