Pig-anunsyar kan Department of Foreign Affairs (DFA) kan nakalihis na Biyernes, Oktubre 4 na kanselado na an Philippine passport ni dismissed Bamban, Tarlac Mayor Alice Guo.
Pigsaysay kan DFA na an pagkanselar kan pasaporte ni Guo an nagin epektibo kan Setyembre 30, 2024 susog sa Seksyon 10 (b) (4) kan Republic Act No. 11983 o Bagong Ley sa Pasaporte kan Pilipinas, iyo an: Seksyon 10. Ground for Denial of Issuance of Passport; Cancellation of Passport; o Imposition of Restrictions on Passports.
Sigun pa digde, an pasaporte posibleng dai akuon, kanselaron o limitaran kun ini nakua nin ilegal, na-tampered o na-isyu nin bakong tama.
Mientrastanto, tulos na nag-akto an DFA sa isyu makalihis na maresiber an sertipikasyon kan National Bureau of Investigation (NBI) na an biometrics ni Guo sa pasaporte magkapareho sa biometrics ni Guo Hua Ping sa mga file kan NBI.
