Pigkakalkulo na an ekonomiya kan Pilipinas ngunyan na taon an makusog hasta sa taong-2026.
Basado sa latest World Economic Situation and Prospects report kan United Nations (UN), saindang piglalaoman na an gross domestic product (GDP) kan nasyon an malangkaw pa nin 6.1 percent sa taong ini asin maabot man sa 6.2 percent pag-abot kan 2026.
Pig-apod ni UN Department of Economic and Social Affairs Economic Affairs Officer Zhenqian Huang an Pilipinas komo sa sa “strongest growth performer”sa mga nasyon sa parte kan East Asian Economies.
Soboot, dakulang tabang sa pamamayagpag kan ekonomiya kan nasyon an makusog na domestic demand, puspusang public investments asin an positibong epekto kan mga investment policy reforms asin pagkusog man kan services sector.
Huli digde sa projections kan UN ngunyan na taon an Pilipinas an mabandera komo second-fastest growing economy sa rehiyon kasunod kan Vietnam (6.5%), mas angat pa sa Cambodia (6%), Malaysia (4.6%), Thailand (3.1%), asin Singapore (2.6%).
